Ўзбекистонлик Twitter фойдаланувчилари талабанинг ярим йиллик шартнома пулини йиғиб берди. Бу ҳақда Хушнуд Худайбердиев ўз Twitter аккаунтида хабар берди.
РАСМИЙ:
— Xushnud Xudoyberdiyev (@xushnudbeck) April 7, 2014
1-курс талабасининг контракти учун пул йиғгандик. Ўша контракт тўланди. Хайрияда 25 киши иштирок этди. Онаси барчангизни дуо қилди!
Маълум бўлишича, 25 нафар «твиттер»чилар биринчи босқич талабасининг шартнома пулини тўплашга ҳисса қўшишган. Улар ярим йиллик шартнома учун 3,375 миллион сўм йиғишга муваффақ бўлган.
Ярим йиллик контракт учун 3 млн. 375 минг сўм тўлаб бўлинди.
— Xushnud Xudoyberdiyev (@xushnudbeck) April 7, 2014
Иштирок этган барча, барчага ўз миннатдорчилигимни билдираман! Барака топинг!
Блоггер шартнома пулининг тўланганини айтиб, барчага миннатдорчилик билдирган. «Онаси барчангизни дуо қилди!» — дея қўшимча қилди у.
Талабанинг қайси олий ўқув юртида ўқиши ҳақида маълумот берилмаган. Шунингдек, кампания иштирокчилари ҳам ошкор этилмаган.
Изоҳ (0)