Қорақалпоғистон Республикасида 2010—2013-йилларда ҳайвонот дунёси обектларидан фойдаланиш бўйича 2 000, Навоий вилоятида 849 қонун бузилиши ҳолати аниқланган. Бу ҳақда ЎзА хабар берди.
Амударё делтасида табиий тўқайзорларни ҳимоя қилиш, қайта тиклаш ва улардан оқилона фойдаланиш мақсадида «Бадай тўқай» давлат қўриқхонаси базасида «Қуйи Амударё давлат биосфера резервати» ташкил этилди.
Қорақалпоғистон Республикасида балиқчиликка ихтисослаштирилган 80 фермер хўжалиги томонидан 2013-йили 931 тонна балиқ етиштирилди. Навоий вилояти Қизилтепа туманидаги «Тўдакўл» табиий сув ҳавзасида «Аква Тўдакўл» Ўзбекистон—Америка қўшма корхонаси йилига 2 миллион дона, жумладан, мамлакатимиз «Қизил китоби»га киритилган Амударё куракбуруни балиғи чавоқларини етиштирувчи инкубация цехи ишга туширилди.
Табиатни муҳофаза қилиш давлат қўмитаси томонидан Фанлар академияси Ўсимлик ва ҳайвонот дунёси генофонди институти билан ҳамкорликда Қорақалпоғистон Республикаси ҳудудида сайғоқларни сақлаб қолиш мақсадида «Устюрт сайғоқларининг популациясини ўрганиш» мавзусида илмий-тадқиқот ишлари олиб борилмоқда.
Изоҳ (0)