Голливуд актёри Крис Хемсворт National Geographic томонидан ташкил этилган «Акулалар ҳафталиги» махсус лойиҳасига қўшилди, деб хабар беради «Film.ru». «Қасоскорлар» ва «Тор» фильмлари юлдузи океан тубига шўнғиб, акулалар билан ёнма-ён сузиб, ўзини ҳақиқий Аквамендек ҳис қилди.
Хемсвортнинг сўзларига кўра, у бунга ўз ватани Австралияда сўнгги 100 йил ичида йиртқичлар томонидан одамларга қилинган энг ёмон ҳужумларидан сўнг қарор қилган. Актёрнинг ўзининг ушбу ишини «илм-фан ёрдамида акулаларнинг хатти-ҳаракатларини очиб бериш ва уларнинг одамлар билан қандай қилиб хавфсиз муносабатда бўлишларини тушуниш миссияси» деб ҳисоблайди.
Крис маҳаллий биологлар жамоаси билан бирга океанга шўнғиб, дастур учун видеога тушган. Роликда актёрнинг ёнидан кул ранг қум акулалари сузиб юрганини кўриш мумкин, Хемсворт эса ўзини ҳақиқий суперқаҳрамондек тутган ва ҳеч нимадан қўрқмаган.
Аввалроқ Кал ва жуда озиб кетган Кристиан Бэйл «Тор 4»нинг суратга олиш майдончасига келгани, кичик Роберт Дауни парашютдан сакраш вақтида ўлишига бир бахя қолгани эслагани тўғрисида хабар берилганди.