АҚШ президенти Дональд Трамп Оқ уйда сайловларда берилган овозларни ҳисоблаш фонида ўз тарафдорлари олдида чиқиш қилди, деб хабар бермоқда Meduza.
«Натижалар ақл бовар қилмас даражада. Биз барчамиз ғолиб бўляпмиз», — деган президент.
Президент қўллаб-қувватлашлар учун Америка халқига ва ўз оиласига миннатдорлик билдирди. У иккиланаётган аксарият штатларда, хусусан, Жоржия, Шимолий Каролина, Техас ва шунингдек «унча ҳам керек бўлмаган Висконсин штатида», ғалаба қозонганини айтди, «Ахир биз Техасни қўлга олдик», — деган Трамп.
«Лекин энг асосийси — биз Пенсильванияда ғалаба қозоняпмиз. Катта фарқ билан», — деб таъкидлаган президент, шундан сўнг йиғилганлар ўрнидан туриб гурлирос қарсак чалган.
Шу билан бирга, Трамп ҳисоблаш жараёнини «халқимизнинг алдови» деб атади ва уни тўхтатиш учун Олий судга боришга ваъда берди.