Президент фармони билан Ўзбекистон Республикаси мустақиллигининг йигирма тўққиз йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳи мукофотланди. Мукофотланганлар қаторида 20 нафар ҳоким ҳам бор, деб ёзмоқда «Халқ сўзи Online».
Наманган вилояти ҳокими Хайрулла Бозоров «Ўзбекистон Республикасида хизмат кўрсатган иқтисодчи» фахрий унвони билан, Самарқанд вилояти Каттақўрғон тумани ҳокими Аъзамхон Баҳромов «Фидокорона хизматлари учун» ордени билан мукофотланган.
Шунингдек, Навоий вилояти ҳокими Қобул Турсуновга «Меҳнат шуҳрати» ордени берилган. Тошкент вилояти Бекобод тумани ҳокими Зафар Файзуллаев «Дўстлик» орденига лойиқ кўрилган. Мукофотланганларнинг қолган қимси билан қуйида танишиш мумкин.
Мукофотланган ягона ҳоким аёл Бухоро вилоятининг Олот тумани ҳокими Наргиза Неъматова. Унга «Содиқ хизматлари уҳcун ордени» берилади.Мавзуга доир: Наргиза Неъматова Олот туманига ҳоким бўлди. У сўнгги 10 кунда ҳоким этиб тайинланган иккинчи аёл бўлди
Адилов Жамбул Агитаевич — Тахтакўпир тумани ҳокими, Қорақалпоғистон Республикаси
Бойигитов Йўлчибой Ўринбоевич — Ёзёвон тумани ҳокими, Фарғона вилояти
Бойқараев Асрол Рўзиевич — Косон тумани ҳокими, Қашқадарё вилояти
Мирзақулов Батиржон Казакбаевич — Сайхунобод тумани ҳокими, Сирдарё вилояти
Неъматова Наргиза Исамиддиновна — Олот тумани ҳокими, Бухоро вилояти
Саломов Шерали Ҳусенович — Қоракўл тумани ҳокими, Бухоро вилояти
Сапарбаев Атабек Худайбергенович — Беруний тумани ҳокими, Қорақалпоғистон Республикаси
Тамикаев Абдивахоб Улашбаевич — Зангиота тумани ҳокими, Тошкент вилояти
Уринов Шухратжон Бекмахматович — Термиз тумани ҳокими, Сурхондарё вилояти
Худайбердиев Шункор Фармонович — Пастдарғом тумани ҳокими, Самарқанд вилояти
«Шуҳрат» медали билан
Абдурайимов Жасурбек Одилович — Балиқчи тумани ҳокими, Андижон вилояти
Жабборов Ботир Шукурович — Нарпай тумани ҳокими, Самарқанд вилояти
Исмоилов Серобидин Позилжонович — Избоскан тумани ҳокими, Андижон вилояти
Мустанов Абдивалижон Саидович — Фориш тумани ҳокими, Жиззах вилояти
Султанов Азамжон Махмудович — Поп тумани ҳокими, Наманган вилояти
Умаров Фахритдин Саматович — Кармана тумани ҳокими, Навоий вилояти.
Эслатиб ўтамиз, Шавкат Мирзиёев 27 август куни мустақиллик байрами муносабати билан коронавирусга қарши курашаётган тиббиёт ходимларидан бир гуруҳини, шунингдек, фан, таълим, адабиёт, маданият, санъат ва ОАВ ходимларини мукофотлаган. Президентнинг 28 августдаги фармони билан чет эл фуқаролари ва хорижда истиқомат қилаётган ўзбекистонликлар ҳам мукофотланганди.
Изоҳ (0)