Салкам 10 йил очиқ осмон остида ётган «ZAZ-966» моделининг эгаси машинасини сотишга қарор қилди, деб хабар беради Carakoom.
Автомобиль эгаси дастлаб уни юргизишга ҳаракат қилиб кўрган. Бензин қуйиб, янги аккумуляторни улаган бўлса-да, бу ҳеч қандай натижа бермаган. Машина ҳаракатсиз қолаверган.
Шундан сўнг, у «трамблёр» ва ўт олдириш қисмини таъмирлаб, учқун чиқаришга уринган. Бу ҳам ёрдам бермаган.
Узоқ уринишлардан сўнг, «Запорожец» ўт олиб, ўзининг V4 двигателини ишлатган, у ҳатто олд ва орқага бир неча метр юрган.
«Собиқ Иттифоқ техникалари узоқ яшайди. Тўғри, у инжиқ ва кўп эътибор талаб қилади. Бироқ шунча йилдан кейин қайта ‘тирила’ олади. BMW ёки Hyundai шундай қила олармиди?», — дейилади хабарда.