YouTube’даги «Ғилдираклар устидаги цирк» каналида блогерлар Lada XRay автомобилини амфибияга айлантириб, уни сувда суздираётгани тасвирланган видео пайдо бўлди.
Муҳандислар амфибия-автомобилни яратиш учун ортиқча барча элементларни олиб ташлаган ва энг муҳим нарсаларни қолдирган — кузов, двигатель ва бошқарув элементлари. Бунинг натижасида мутахассислар автомобилнинг оғирлигини сезиларли даражада камайтиришга муваффақ бўлган. Шунга қарамай, машина оддий йўлларда бемалол ҳаракатлана олган.
Салон ичига сув кирмаслиги учун блогерлар барча тешикларга «монтаж кўпиги»ни қуйиб чиққан, шунингдек, автомобилга қўшимча пенопласт бўлаклари ўрнатилган. Хэтчбекни эса қайиқ мотори ҳаракатга келтирган.
Амфибиянинг суза олишини текшириш мақсадида у реал шароитларда синовдан ўтказилган. Lada XRay қирғоқдан бир неча метр нарига сузиб, ҳеч қандай муаммосиз яна қуруқликка қайтиб келган. Бироқ амфибиянинг сувдаги тезлиги анча секин, шундай бўлса-да XRay сувда ҳам суза олишини исботлаб берган.
Апрель ойининг охирларида Tesla раҳбари Илон Маск ўзининг янги Cybertruck электропикапи сувда суза олишини маълум қилганди.