42 ёшли америкалик Ричард Макгуайр карантинни Флорида штатидаги ташландиқ Disney кўнгилочар боғида ўтказмоқчи бўлди, деб ёзади Esquire.
Полициячилар эркакка овоз кучайтиргич ёрдамида боғ ҳудудида бўлиш тақиқланганини эълон қилган. Бироқ у жавоб бермаган.
Кейинроқ у полициячиларни эшитмагани, боғ анчадан бери ёпиқлиги ҳақида билмагани ҳамда карантин вақтида ушбу «тропик жаннат»да яшаб туришни режалаштирганини айтган. Бироқ штат маъмурияти боғнинг ҳар қадамида бегоналарга бу ерга кириш тақиқлангани ёзиб қўйилганини айтган.
Макгуайрни боғ ҳудудига ноқонуний кирганликда айблаб ҳибсга олишди.
Кейинроқ номи Discovery деб ўзгартирилган ушбу боғда ҳайвонот боғи бўлган, 1999 йилда эса боғни номаълум сабабларга кўра ёпишган. Боғ ҳали ҳам қўриқланадиган ҳудуд ҳисобланади.