7 ноябрь ва 8 ноябрь тонгида Тошкент шаҳридаги метеорологик шароитлар шаҳарнинг ҳаво муҳитида бир оз зарарли моддалар йиғилишига имконият яратди, деб ёзади Ўзгидромет матбуот хизмати.
Стационар постларнинг кузатув маълумотларига кўра қуйидаги туманларда ҳавонинг ифлосланиши бир марталик максимал рухсат этилган меъёр (РЕМ б.м.) дан ортгани қайд этилган.
Азот диоксиди бўйича:
Чилонзор туманида РЕМ б.м.дан юқори 1 ҳолат кузатилди.
Бошқа туманларда олинган маълумотлар бўйича зарарли моддалар миқдори рухсат этилган меъёр (РЕМ б.м.)дан юқори бўлгани кузатилмади.
12 ноябрь ва 13 ноябрь тонгида Тошкент шаҳрининг об-ҳаво шароити шаҳар ҳаво муҳитида зарарли моддаларнинг сақланиб туришига имконият яратади.
Telegram’даги «Ташкент вокруг» каналида пойтахтнинг самолёт ичидан олинган сурати эълон қилинди. Айнан ушбу сурат ҳам Тошкент ҳавосининг аввалгидек тоза эмаслигини кўрсатиб турибди. Чунки унда пойтахт осмонидаги тутунсимон чизиқни кўриш мумкин.