Японияда «Факсай» тайфуни сабаб 885 600 хонадон электрсиз қолди, деб хабар беради «РБК».
Таъкидланишича, электр энергияси ўчгани сабаб компанияларнинг call-марказларига қўнғироқ қилишда муаммолар юзга келиши мумкин.
Япония метеорология марказининг маълум қилишича, тайфун Сидзуока префектурасига 8—9 сентябрь кунлари ёпирилади. Шунингдек, Токиода ҳам кучли ёмғир ва шамол кузатилиши мумкин.
Япон ҳукуматининг маълумотларига кўра, тайфун оқибатида 22 киши жабрланган бўлиб, уларнинг ўн нафари Татеяма шаҳрида жароҳат олган. Яна шунча одам Тиба префектурасининг маъмурий марказида жароҳат олган бўлса, икки киши Канагава префектурасида жароҳатланган.
East Japan Railway темирйўл компаниясига қарашли газетанинг маълум қилишича, 9 сентябрь куни «Катта Токио» (Канто ҳудуди) туманидаги поездлар ҳаракати вақтинча тўхтатилган. Ҳукумат 390 мингдан ортиқ одам эвакуацияга муҳтож эканлигини билдирган.