Ашхабоддаги миграция хизмати офиси олдида хорижга чиқиш паспортини олиш истагида бўлганларнинг катта навбати юзага келди, деб хабар беради «Хроника Туркменистана».
Ўтган ҳафтада ҳужжат топширганларнинг гувоҳлик беришича, навбатда турганларнинг аксарияти 2003 йил июнида Россия фуқаролигини олганлардан иборат. Ҳужжатларни қабул қилиш чоғида келганларга паспортлар бир ой мобайнида тайёр бўлиши айтилмоқда.
Вилоятларда аҳвол бундан ҳам мураккаброқ. Масалан, Тошҳовузда аввал зарур ҳужжатларни топшириш учун навбатга туриш лозим. Ҳозир октябрь ойи учун навбат ёзилмоқда. Хорижий паспортни олиш учун 4 ойдан ярим йилгача вақт кетади.