Россия Федерация кенгашининг Бурятия Республикасидан сенатори Арнольд Тулохонов Россия пойтахтини мамлакатнинг ўртасига кўчиришни таклиф қилди. Бу ҳақда «Газета.ru» хабар беради.
«Новосибирск, Свердловск (ҳозир Екатеринбург) – исталган шаҳар. Пойтахтни Москвадан кўчириш керак. Пойтахт мансабдорларга эмас, аҳолига қулай бўлиши учун ўртада бўлиши лозим. Бугун юк жўнатишнинг 75 фоизи Москва орқали амалга оширилмоқда. Якутскдан Читага етиб олиш учун Москва орқали ўтишга тўғри келмоқда», — деди сенатор Улан-Удедаги матбуот анжуманида.
Унинг фикрича, пойтахтни кўчириш учун асосий сабаб иқтисодий сабабдир. У пойтахтини Олмаотадан Остонага кўчирган Қозоғистон тажрибасини муваффақиятли мисол тариқасида келтирди.
«Энди Остонадан мамлакатнинг турли томонига роппа-роса уч соатда етиш мумкин. Бизда эса Чукоткадан Москвага етиш учун қанча учиш керак?» — деди сенатор.
Изоҳ (0)