Futbol bo‘yicha O‘zbekiston Oliy Ligasida 5-turning 16-aprel sanasidan joy olgan 3 ta o‘yini o‘z yakuniga yetdi.
Turning kutilmagan natijasi Farg‘onada qayd etilib, “Neftchi” o‘z maydonida “So‘g‘diyona”ga imkoniyatni boy berdi. Bir tur avval Toshkentning “Lokomotiv” klubini 2 ochkodan mahrum qilgan Jizzax jamoasi, bu safar Farg‘onada o‘zini ko‘rsatdi.
“So‘g‘diyona” dastlabki ikki turni boy bergan, keyingi ikki turda durang qayd etgandi. “Neftchi” ustidan qozonilgan g‘alaba mavsumdagi birinchisi bo‘lib, klub turnir jadvalida 9-o‘ringa ko‘tarilib oldi. “Neftchi” 3 ochko bilan 13-o‘rindan joy olgan.
O‘z maydonida “Obod”ni qabul qilgan Bekobodning “Metallurg” klubi irodali g‘alabani qo‘lga kiritdi. Poytaxt jamoasi 3-daqiqaga keliboq hisobda oldinga chiqib olgandi. Ikkinchi bo‘limda mezbonlar ikki bor muvaffaqiyat qozondi.
5-turdan keyin ochkolari sonini 12 taga yetkazib olgan “Metallurg” turnir jadvalida 3-o‘ringa ko‘tarilib oldi. 16-aprel sanasidan joy olgan yana bitta o‘yinda “Bunyodkor” zafar quchsa, ochkolar soni bo‘yicha “Metallurg”dan o‘zib ketadi. “Obod” esa hisobidagi ikki ochko bilan 15-o‘rinda qayd etilgan. O‘z tarixida birinchi bor Oliy Ligada ishtirok etayotgan Toshkent jamoasi birinchi g‘alabasiga erishganicha yo‘q.
5-turga kelib Namanganning “Navbahor” klubi mavsumdagi birinchi g‘alabasini qo‘lga kiritdi. “Sho‘rtan” avvalgi to‘rt turning barchasida mag‘lub bo‘lib, o‘zi uchun antirekord qayd etgandi. Mavsumni 4 ta mag‘lubiyat bilan boshlash klub tarixida birinchi bor yuz berdi.
5-turda ham G‘uzor klubi mag‘lubiyat alamini totib ko‘rdi. “Sho‘rtan” mavsum boshidan buyon birorta ham ochko ishlay olmagan Oliy Liganing yagona jamoasi bo‘lib turibdi. “Navbahor” hisobida esa endilikda 4 ochko mavjud.
O‘zbekiston Oliy Ligasi 5-tur bellashuvi16-aprel, shanba
“Metallurg” — “Obod” 2:1
Gollar: Sanjar To‘raqulov, 2 (0:1). Zohid Abdullayev, 52 (1:1). Dilmurod Karimov, 68 (2:1).“Navbahor” — “Sho‘rtan” 3:1
Gollar: Oleksandr Pishur, 1 (1:0). Abbos Amonov, 31 (1:1). Akrom Bahriddinov, 72 (2:1). Mo‘ydin Mamazulonov, 73 (2:1).“Neftchi” — “So‘g‘diyona” 0:1
Gol: Bobur Qosimov, 90+2 (0:1).“Bunyodkor” — “Olmaliq”
17-aprel, yakshanba“Buxoro” — “Andijon”
Izoh (0)