Rossiyaning Vashingtondagi yadro xavfsizligi bo‘yicha sammitda qatnashishdan bosh tortish qarori o‘z-o‘zini yakkalab qo‘yishdir. Bu haqda Oq uy vakili Ben Rods jurnalistlar bilan suhbat chog‘ida aytib o‘tdi, deb yozadi Meduza.
Rods so‘zlariga ko‘ra, Rossiya yadro sammiti doirasida yuqori darajadagi uchrashuvlardan voz kechib, potensial imkoniyatlarni qo‘ldan chiqarmoqda, xolos. U avvalroq Rossiya sammitda qatnashganini, shuningdek, Moskva va Vashington yadro xavfsizligi masalalarini muhokama qilishda davom etishini qayd etdi.
Rossiya tashqi ishlar vazirligi rasmiy vakili Mariya Zaxarova Rossiyaning sammitga bormasligini, rossiyalik oliy shaxslarning ishtirokini talab qiluvchi hech qanday “qolib ketayotgan muqarrar qarorlar” yo‘qligi bilan izohlagan edi. U, shuningdek, Rossiya tadbir konsepsiyasidan norozi ekanligini aytdi: xususan, sammit doirasida MAGATE, BMT, Interpol va boshqa tashkilotlar uchun “ko‘rsatmalar” ishlab chiqish taklif etiladi. Zaxarovaning so‘zlariga ko‘ra, bunday tavsiyalar cheklangan guruh tomonidan o‘z manfaatlarini xalqaro tashkilotlarga yuklash uchun urinish bo‘ladi, buni esa Rossiya nomaqbul deb hisoblaydi.
Izoh (0)