Toshkent shahrining Muqimiy ko‘chasi va Oqtepa maydonida jami 2016-yil davomida uchta yo‘l o‘tkazgich qurilishi ko‘zda tutilgan. Bu haqda 28-mart, dushanba kuni Toshkent shahar hokimi Rahmonbek Usmonov ishtirokida tashkil etilgan matbuot anjumanida ma’lum qilindi, deya xabar bermoqda “Gazeta.uz”.
2016-yil davomida Taraqqiyot ko‘chasining Toshkent avtomobil halqa yo‘liga qadar bo‘lgan qismi ochilishi kutilmoqda. Shuningdek, Parkent yo‘lining rekonstruksiya qilinishi ko‘zda tutilgan.
“Bundan tashqari, 2016-yilning o‘zida Shota Rustaveli va Muqimiy ko‘chalari kesishmasida, Bunyodkor va Muqimiy ko‘chalari kesishmasida va Oqtepa maydonida uchta yo‘l o‘tkazgich qurilishi rejalashtirilgan”, — deyiladi “Gazeta.uz” xabarida.
Avvalroq Toshkent shahar hokimi Rahmonbek Usmonov shahardagi barcha tramvay yo‘nalishlari yopilishi, yopilgan tramvay yo‘nalishlari o‘rnida avtobuslar qatnovi yo‘lga qo‘yilishi va shaharda uchinchi transport halqasi paydo bo‘lishini ma’lum qilgani haqida xabar berilgan edi.
Izoh (0)