Toshkent shahrida uchinchi transport halqasi quriladi. Bu haqda 28-mart, dushanba kuni tashkil etilgan matbuot anjumanida Toshkent shahar hokimi Rahmonbek Usmonov ma’lum qildi, deya xabar bermoqda “Gazeta.uz”.
Xabar berishlaricha, Nurafshon ko‘chasining davomini — Beruniy ko‘chasidan Oqtepa maydonigacha bo‘lgan 3,8 kilometrlik bo‘lagini qurish ishlari boshlanadi.
Shuningdek, Nukus ko‘chasining Bobur ko‘chasidan sobiq to‘qimachilik kombinati orqali Shota Rustaveli ko‘chasiga qadar bo‘lgan 1 kilometrlik yangi bo‘lagi ham quriladi.
“Shunday qilib, shaharda uchinchi transport halqasi paydo bo‘ladi”, — deyiladi “Gazeta.uz” xabarida.
Avvalroq Toshkent shahri hokimi Rahmonbek Usmonov shahardagi barcha tramvay yo‘nalishlari yopilishini e’lon qilgani va yopilgan tramvay yo‘nalishlari o‘rnida avtobuslar qatnashi haqida xabar berilgan edi.
Izoh (0)