Toshkent shahrida yopiladigan olti tramvay yo‘nalishi o‘rnida yangi avtobus yo‘nalishlari yo‘lga qo‘yiladi. Bu haqda, 28-mart, dushanba kuni Toshkent shahar hokimi Rahmonbek Usmonov ishtirokida tashkil etilgan matbuot anjumaniga asoslanib, “Gazeta.uz” xabar bermoqda.
Xabar berishlaricha, yopilgan tramvay yo‘nalishi o‘rniga aynan shu raqam ostida avtobus yo‘nalishlari yo‘lga qo‘yiladi (masalan, 13-tramvay o‘rniga — T13, 26-tramvay yo‘nalishi o‘rniga — T26).
Bir qator yo‘nalishlarda, xususan, 13-tramvay yo‘nalishi bo‘yicha parallel avtobus yo‘nalishi 5-apreldan — yo‘lovchilar yangi o‘zgarishlarga moslashishlariga imkoniyat taqdim etish maqsadida yo‘lga qo‘yiladi.
Avvalroq Toshkent shahri hokimi Rahmonbek Usmonov shahardagi barcha tramvay yo‘nalishlari yopilishini e’lon qilgani haqida xabar berilgan edi.
Izoh (0)