Ispaniya futbol federatsiyasining hakamlar qo‘mitasi Ispaniya chempionati 31-turidan o‘rin olgan uchrashuvlarni boshqarib boradigan hakamlar ro‘yxatini ma’lum qildi. Bu haqda AS xabar bermoqda.
31-turning markaziy o‘yinida “Barselona” jamoasi o‘z maydonida “Real” futbolchilarini qabul qiladi. Ushbu o‘yinni Alexandro Xose Ernandes Ernandes boshchiligidagi hakamlar guruhi boshqarib boradi.
Joriy mavsumda 33 yoshli referi “Barselona” ishtirokidagi “Atletik Bilbao” (3:1) va “Selta”ga (6:1) qarshi o‘yinlarni boshqargan edi. Shuningdek, Xose Ernandes “Real” ishtirokidagi “Espanyol”ga qarshi (6:0) uchrashuvni boshqargan.
“Kamp Nou” stadionida bo‘lib o‘tadigan navbatdagi “El-Klassiko” 2-aprel kuni, Toshkent vaqti bilan 23:30 da boshlanishi ko‘zda tutilgan.
Eslatib o‘tamiz, birinchi davrada “Barselona” jamoasi “Santyago Bernabeu” stadionida “Real”ni 4:0 hisobida mag‘lubiyatga uchratgandi.
Izoh (0)