GFR kansleri Angela Merkel “Mitteldoycher rundfunk” radiostansiyasi efirida Yevropa Ittifoqining Bolqon davlatlari tomonidan qochoqlar uchun chegaralarning yopilishi immigratsiya muammosini tartibga solishga yordam bermasligini ma’lum qildi. Bu haqda “Vedomosti” xabar beradi.
Merkelning nuqtai nazari YeI prezidenti Donald Tuskning bayonotiga qarama-qarshidir. Tusk kuni kecha Serbiya, Sloveniya, Xorvatiya va Makedoniyani qo‘llab-quvvatlashini ma’lum qilgan edi.
“Bir tomonlama qaror qabul qilib, muammoni hal qilib bo‘lmaydi”, — dedi kansler va buning uchun YeIga a’zo 28 ta mamlakatning roziligi kerakligini ta’kidlab o‘tdi.
Merkel Gretsiyaga yetib kelayotgan qochoqlarning tahdidini eslatib o‘tdi hamda vaziyatni uzoq davom etmaydigan va beqaror deb atadi.
Izoh (0)