“Bunyodkor” “Ash-Shabob”ni mag‘lub etdi va OChL guruh bosqichiga yo‘l oldi

Toshkentning “Bunyodkor” futbol klubi Osiyo Chempionlar Ligasi saralash pley-offida BAAning “Ash-Shabob” jamoasini mag‘lubiyatga uchratdi. Bu haqda OFK rasmiy sayti xabar bermoqda.

9-fevral, seshanba kuni Toshkentdagi “Bunyodkor” stadionida bo‘lib o‘tgan bahsda Eldor Shomurodovning dubli “Bunyodkor”ga 2:0 hisobida g‘alaba keltirdi (gollar 2- va 35-daqiqalarda kiritildi). “Ash-Shabob” tarkibida O‘zbekiston milliy termasi yetakchilaridan biri Aziz Haydarov to‘p surdi.

“Bunyodkor” endi OChL guruh bosqichida Saudiya Arabistonining “An-Nasr”, Eronning “Zob Ohan” va Qatarning “Laxviya” jamoalariga qarshi bahs olib boradi. Sergey Lushchan qo‘l ostidagi jamoa guruh bosqichi doirasidagi ilk uchrashuvni 23-fevral kuni “An-Nasr”ga qarshi safarda o‘tkazadi.

Ma’lumot uchun, 2016-yilgi Osiyo Chempionlar Ligasi bahslarida O‘zbekistondan to‘rt jamoa ishtirok etmoqda. Xususan, “Bunyodkor”dan tashqari, “A” guruhida “Lokomotiv”, “C” guruhida “Paxtakor” va “D” guruhida “Nasaf” kurash olib boradi.

Osiyo Chempionlar Ligasi, saralash pley-off uchrashuvi9-fevral, seshanba“Bunyodkor” (O‘zbekiston) — “Ash-Shabob” (BAA) 2:0 (2:0)Gollar: Eldor Shomurodov (2, 35).