Ravon kompaniyasi R2 xetchbeki (Chevrolet Spark)ning rubldagi narxlarini e’lon qildi, deb yozadi Motor. Model faqat avtomatlashgan uzatish qutisi bilan 369 ming rubldan boshlanadigan narxda taklif qilinadi. Shu tariqa, R2 Rossiyada eng arzon “avtomat”li modelga aylandi.
Ravon R2 1,25 litr sig‘imli to‘rt silindrli dvigatelga ega. Agregatning ish koeffitsiyenti 85 ot kuchiga teng. Model 12,4 soniyada soatiga 100 kilometr tezlikka erisha oladi. Maksimal tezligi soatiga 161 kilometrga teng.
Bundan tashqari, Ravon lineykasida yana ikkita sedan bor, bular Nexia (379 ming rubl) va Gentra (439 ming rubl)dir.
Avvalroq Moskva shahridagi va Rossiyaning 16 hududidagi avtosalonlarda GM Uzbekistan tomonidan ishlab chiqarilgan Ravon R2 (Chevrolet Spark) xetchbeklari paydo bo‘lgani xabar berilgan edi.
Izoh (0)