Rossiyaning Primorye o‘lkasidagi safari bog‘ida o‘rnatilgan videokameralar yo‘lbars Amur va echki Timur o‘rtasida sodir bo‘lgan “mojaro”ni tasvirga oldi. Bu haqda “RIA Novosti” xabar qilmoqda.
Ma’lum qilinishicha, echki Timur yo‘lbarsga juda yaqin kelib unga tashlanib ko‘rmoqchi bo‘lganda, yo‘lbars Amur o‘yinga berilib ketgan do‘stiga tarsaki tushirdi.
Tarsaki echkining hayotiga xavfli bo‘lmasa-da, g‘ayriodatiy juftlik muxlislari hayvonlar o‘rtasida kelishmovchilik paydo bo‘lganligidan xavotirga tusha boshladi.
Ayrim foydalanuvchilar Timurning ancha jasoratli bo‘lib ketib, yo‘lbarsga juda yaqin kelayotganligini qayd etgan.
Boshqa muxlislar esa, echki Timurning xatti-harakatlari juda xavfli bo‘lib ketganligini ma’lum qilgan.
Hodisa hayvonlar o‘rtasidagi oddiy o‘yinni namoyish etib, tarsaki tarbiyaviy maqsadda berilganligi haqidagi taxminlar ham bor.
Eslatib o‘tamiz, oldinroq yo‘lbars Amur va echki Timur daraxtlarga tirmashayotgani tasvirlangan rolik namoyish qilingan edi.
Izoh (0)