Nukusdagi iliq havo 1986-yilgi rekordni yangiladi

Qoraqalpog‘iston Respublikasi ma’muriy markazi Nukus shahrida 2016-yil 19-yanvarda aynan shu kun tarixidagi eng yuqori havo harorati qayd etildi.

“O‘zgidromet” markazi axborotiga ko‘ra, 19-yanvar, seshanba kuni kunduzi Nukus shahrida havo harorati +11,2 darajagacha ko‘tarilgan.

Bungacha ko‘p yillik kuzatuvlar tarixidagi rekord natija 1986-yil 19-yanvarida o‘rnatilgandi — o‘shanda havo harorati +8,8 darajagacha ko‘tarilgan.

Ko‘p yillik kuzatuvlar natijasiga ko‘ra, Nukus shahrida 19-yanvardagi o‘rtacha havo harorati -5 daraja sovuq bo‘lib, eng sovuq havo 2008-yilning 19-yanvarida (-27,7 daraja sovuq) qayd etilgan.

Ma’lumot o‘rnida, 19-yanvar kuni kunduzi havo harorati Toshkent shahrida +11,8 darajagacha, Samarqand shahrida +15,1 darajagacha, Termiz shahrida esa +17,6 darajagacha ko‘tarilgan.

• Qashqadaryo va Surxondaryoda 21-yanvar kuni havo harorati +20 darajagacha ko‘tariladi

• Yanvarda bahor: O‘zbekistondagi noodatiy iliq havo daraxt va gullarni uyg‘otmoqda