Vodorod bombasi sinovdan o‘tkazilgani Shimoliy Koreyaga ballistik raketalarning termoyadro zaryadli jangovar kallaklariga ega bo‘lish imkonini berdi. Bu haqda “Interfaks” xabar bermoqda.
“Sinov davomida biz tomonimizdan ishlab chiqilgan tajriba vodorod bombasi texnik xususiyatlari aniqligi to‘liq isbotlandi. Natijada ballistik raketalar uchun vodorod bombali kichik o‘lchamli va odatiy jangovar kallaklarni safga qo‘shish jarayonini yakunlashga muvaffaq bo‘ldik. Shu tariqa yadro qurolini hech qanday cheklovsiz yer, suv va havoda yetkazishga qodir o‘ta zamonaviy zarba berish vositalari bilan qurollanishga muvaffaq bo‘ldik”, — deyiladi Koreya markaziy telegraf agentligi (KMTA) tomonidan chop etilgan sharhda.
Eslatib o‘tamiz, amerikalik ekspertlar KXDR vodorod bombasi sinovini o‘tkazgani haqidagi video va suratlarni qalbakilashtirilgan, deb hisoblamoqda.
Izoh (0)