Amerikalik ekspertlar KXDR tomonidan ballistik raketa sinovi o‘tkazilgani haqidagi video qalbaki, deb hisoblamoqda. Bu haqda “Korrespondent.net” xabar qilmoqda.
Yadro qurolini tarqatmaslik muammolarini o‘rganish instituti mutaxassislarining fikricha, KXDR vodorod bombasi sinovini o‘tkazgani haqidagi video va suratlarni qalbakilashtirgan.
Reuters agentligining yozishicha, ekspertlarning fikri Janubiy koreyalik harbiylarning bayonotini tasdiqlamoqda. Janubiy Koreya harbiylari tarqatilgan video 2014-yilda tasvirga tushirilgan va boshqa sinovlarning suratlari bilan tahrirlangan, deb fikr bildirgandi.
Mutaxassislarning qayd etishicha, yozuvlardagi rakurslar bir-biriga mos tushmagan va ular montaj qilingani sezilib turibdi. Ammo boshqa turdagi raketaning uchirilganini payqash mumkin.
Eslatib o‘tamiz, Shimoliy Koreya 6-yanvar kuni vodorod bombasi sinovlarini muvaffaqiyatli o‘tkazganini ma’lum qilgan.
Izoh (0)