Bloomberg agentligi so‘rov o‘tkazgan tahlilchilar taxminiga ko‘ra, Rossiya 2016-yilning iqtisodiyoti eng yomon mamlakatlari o‘ntaligiga kirishi mumkin. Bu haqda “Gazeta.ru” xabar bermoqda.
Taxminlarga ko‘ra, 2016-yil aksilreytingini yil yakunlari bo‘yicha yalpi ichki mahsuloti (YaIM) 3,3 foizga tushib ketadigan Venesuela boshqaradi. Ikkinchi o‘rinda Braziliya ( YaIMning 2,5% ga pasayishi), uchinchi o‘rinda Gretsiya qayd etilgan (YaIMning 1,8% ga kamayishi). YaIM 0,5 foizga pasayishi kutilayotgan Rossiya mazkur reytingda 4-o‘rinni egallagan. Shunday ko‘rsatkich 5-o‘rindagi Ekvador uchun ham bashorat qilinmoqda.
2016-yilda o‘sishning past ko‘rsatkichlari Argentinada (YaIMning 0 foizi), Yaponiya va Finlyandiya (1% o‘sish), Xorvatiya (1,1% o‘sish) va Shveysariyada (1,2% o‘sish) kutilmoqda.
Tahlilchilar Rossiyaning ushbu aksilreytingdan joy olishiga YeI va AQSh sanksiyalari, shuningdek, budjet tushumining 40 foizini shakllantiradigan neft narxining tushib ketganligi sabab bo‘layotganini bildirmoqda.
Izoh (0)