Rossiyaning Belgorod shahrida bemorni do‘pposlagan shifokorni ishdan haydashdi, deya xabar bermoqda Meduza Tergov qo‘mitasiga tayanib. Ayni paytda erkak hech qayoqqa chiqib ketmaslik haqida tilxat yozib bergan.
2015-yilning 29-dekabr kuni Belgoroddagi 2-sonli kasalxonada mushtlashuv sodir bo‘ldi. Tergov versiyasiga ko‘ra, shifokor bemor urgan hamshiraning yonini olgan. Kasalxona xodimi erkakni itarib yuborgan, shundan so‘ng u yiqilib, boshi bilan yerga urilgan. “Ehtiyotsizlik tufayli o‘ldirib qo‘yish” moddasi bo‘yicha jinoyat ishi qo‘zg‘atildi.
Tergov qo‘mitasidagilar aniqlik kiritishicha, shifokorning xatti-harakatlarida qotillik qilish qasdini topa olishmagan.
Eslatib o‘tamiz, 8-yanvar kuni internetda kasalxonadagi shifokor qabulxonasiga o‘rnatilgan videokamera yozuvi paydo bo‘ldi. Unda shifokor hamshiraga tegajoqlik qilgan bemorni bir zarba bilan o‘ldirib qo‘ygani aks etgan.
Izoh (0)