Sayyoraning eng badavlat kishilari 2016-yilning birinchi savdo haftasida 194 milliard dollar yo‘qotdi, deya xabar bermoqda “Korrespondent.net” Bloomberg Billionaires Index’ga tayanib.
Bunday yo‘qotishlarga Xitoy iqtisodiyotining inqirozi va neft narxining tushib ketishi sabab bo‘ldi. Shu hafta AQSh fond bozorida ham 2011-yildan buyon eng yomoni bo‘ldi.
Eng katta yo‘qotishni Amazon.com asoschisi Jeff Bezos boshidan kechirdi, uning davlati 5,9 milliard dollarga kamaydi.
Dunyodagi eng boy odam Bill Geyts 4,5 milliard dollardan ayrildi, ro‘yxatda undan keyingi o‘rinni egallagan Inditex asoschisi Amansio Ortega 3,4 milliard dollar yo‘qotdi.
Nashr ta’kidlashicha, o‘tgan yilning birinchi savdo haftasida 400 nafar eng badavlat milliarderlarning umumiy boyligi 29 milliard dollarga kamaygan edi, bu yangi yildagi ko‘rsatkichdan deyarli yetti marta kamroqdir.
Izoh (0)