Hindistonning Panjob shtatidagi Patxankot aviatsiya bazasida 3-yanvar, yakshanba kuni ham o‘q va portlash ovozlari eshitilib turgan. Mahalliy OAVlarning shtat politsiyasi vakiliga tayanib ma’lum qilishicha, ikki nafar qurollangan jangari hozir ham baza hududida qolmoqda. Bu haqda “Vedomosti” xabar berdi.
Mamlakat ichki ishlar vazirligi vakili aviabazada bir necha portlash ovozi eshitilgani, biroq mazkur hududda yana jangarilar qolgani to‘g‘risidagi ma’lumotlarni tasdiqlay olmasligini bildirgan.
Ma’lumotlarga ko‘ra, jangarilar bilan Hindiston milliy xavfsizlik kuchlarining 50 nafar askari otishmaga kirishgan, ulardan 6 nafari halok bo‘lgan. Terrorchilardan 4 nafari yo‘q qilingani aytilmoqda.
Eslatib o‘tamiz, oldinroq jangarilarni bartaraf qilish bo‘yicha 14 soat davom etgan maxsus operatsiya yakunlangani to‘g‘risida xabar berilgandi.
Izoh (0)