Bokschi Roy Jons Rossiya IIV Moskva bosh boshqarmasi boks federatsiyasining faxriy raisi bo‘ldi. Bu haqda “Gazeta.ru” xabar beradi.
8-dekabr kuni IIVning sport kompleksida bokschi Moskva politsiyasi xodimlari uchun mahorat darsini o‘tkazdi.
“Bosh boshqarma rahbari tomonidan Roy Jonsga Rossiya IIV Moskva bosh boshqarmasi boks federatsiyasining faxriy raisi guvohnomasining topshirilishi tantanali tadbirning eng qizg‘in daqiqasi bo‘ldi”, — deb xabar qiladi tashkilot matbuot xizmati.
IIV poytaxt boshqarmasidagi terma jamoa ikki yildan beri mavjud bo‘lib, joriy yilning may oyida shaxsiy tarkibning professional tayyorgarlik darajasini oshirish uchun federatsiya tashkil etilgan edi.
Izoh (0)