Butunjahon antidoping agentligi (WADA) mustaqil komissiyasi Xalqaro olimpiya qo‘mitasi (XOQ)ga Rossiya yengil atletika federatsiyasi WADA kodeksiga rioya etmaguncha Rossiya olimpiya qo‘mitasi talabnomalarini qabul qilmaslikni tavsiya qildi. Bu haqda komissiya ma’ruzasida ma’lum qilingan, deya xabar beradi “Gazeta.ru”.
9-noyabr, dushanba kuni WADA rossiyalik yengil atletikachilar tomonidan dopingga qarshi qoidalarning buzilishiga oid hisobotni taqdim etdi. Tashkilot yengil atletika federatsiyalari xalqaro assotsiatsiyasi (IAAF)ga Rossiya federatsiyasi faoliyatini to‘xtatish, shuningdek, rossiyalik yengil atletikachilarni IAAF shafeligidagi musobaqalar, jumladan, Rio-de-Janeyrodagi Olimpiada o‘yinlaridan chetlatishni maslahat bergan.
Izoh (0)