AQSh prezidenti Barak Obama A321 samolyotining Misrdagi halokatiga uning bortida portlash qurilmasining mavjudligi sabab bo‘lganligi ehtimoldan yiroq emasligini ma’lum qildi. Bu haqda “Gazeta.ru” xabar beradi.
Qo‘shma Shtatlar rahbari AQSh Rossiya yo‘lovchi samolyotining Misrda halokatga uchrashiga aynan bomba sabab bo‘lganligi to‘g‘risidagi taxminga “o‘ta jiddiy” munosabat bildirishini ta’kidladi.
Avvalroq AQSh hukumati Rossiya samolyoti bortida terakt yuz berganligini istisno etishga yo‘l qo‘ymaydigan ma’lumotga ega ekanligi to‘g‘risida ma’lum qilgan edi. CNN telekompaniyasi Amerika maxsus xizmatlari Rossiyaning A321 samolyotini IShID jangarilari portlatgan bo‘lishi mumkin degan versiyaga yon bosayotgani haqida xabar bergan edi.
Izoh (0)