17-sentabr kuni ilk innovatsion avtomaktab Avtotest’ning rasmiy ochilishi bo‘lib o‘tdi. Bu haqda Avtotest press-relizida aytiladi. Taklif etilgan mehmon va jurnalistlarga o‘qitishda tamomila yangicha yondashuvni taqdim etuvchi loyihaning noyob ishlanmalari namoyish etildi.
“Yo‘l-transport hodisasi Jahon sog‘liqni saqlash tashkiloti tomonidan o‘lim sabablarining birinchi o‘ntaligiga, OITS va sil kasalliklarini o‘zib o‘tuvchi omil sifatida kiritilgan, — deya qayd etdi Avtotest kompaniyasi direktori Komilxo‘ja Mahamadxojayev. – Avtotest’ni tashkil etish g‘oyasi mazkur achinarli statistikani o‘zgartirish bilan bog‘liq bo‘ldi. Yo‘l-transport hodisasida ustuvor sabab bo‘lib yo‘l harakati qoidalarining buzilishi qayd etilar ekan, biz uchun ushbu sohada ta’limni mukammallashtirishga harakat qilish mislsiz qaror bo‘ldi”.
Maktabda o‘qitishda butunlay animatsiyali roliklar qo‘llaniladi, o‘qituvchilar esa, darslarni yaxshiroq eslab qolishga yordam beruvchi, psixologik tadqiqotlar asosida tuzilgan zamonaviy pedagogik uslublardan foydalanadi.
Bu yerda haydovchilik ko‘nikmalarini egallash uchun simulyator ham mavjud. Trenajyorni muvaffaqiyatli o‘zlashtirib olgandan so‘ng, haydovchilik amaliyotini talabalar zamonaviy avtodromda o‘taydi.
Izoh (0)