Demokratik partiyadan AQSh prezidentiligi uchun asosiy nomzod bo‘lishi kutilayotgan Hillari Klinton xizmat bo‘yicha yozishmalar uchun shaxsiy elektron pochtasidan foydalanib, xatoga yo‘l qo‘yganini tan oldi. Bu haqda “Korrespondent.net” xabar bermoqda.
“Men bundan afsusdaman. Bu men tomondan qabul qilingan eng yomon qarorlardan biri edi”, — dedi Hillari Klinton NBC telekanaliga bergan intervyusida.
Klintonning qayd etishicha, shaxsiy elektron pochtadan foydalanish maxfiy ma’lumotlarning sizib chiqib ketishiga sabab bo‘lishini u o‘sha vaqtda xayoliga ham keltirmagan.
Uning so‘zlariga ko‘ra, u davlat kotibi sifatida ishlagan vaqtda texnik muammolar haqida o‘ylashga vaqti ham bo‘lmagan, chunki o‘sha vaqtda “butun dunyo bo‘yicha juda katta miqdordagi masalalar bilan shug‘ullanishga to‘g‘ri kelgan”.
Izoh (0)