Futbol bo‘yicha 19 yoshgacha bo‘lgan O‘zbekiston ayollar terma jamoasi Xitoyning Nankin shahrida davom etayotgan Osiyo chempionati final bosqichidagi ikkinchi o‘yinda ham imkoniyatni boy berdi. Bu haqda O‘zbekiston futbol federatsiyasi matbuot xizmati xabar bermoqda.
“A” guruhidan o‘rin olgan O‘zbekiston U-19 ayollar terma jamoasining 2-turdagi raqibi Yaponiya bo‘ldi. Mazkur o‘yinda o‘zbekistonlik qizlar 0:6 hisobida mag‘lub bo‘ldi.
Eslatib o‘tamiz, bosh murabbiy Vyacheslav Soloxo qo‘l ostidagi O‘zbekiston termasi 1-turda mezbon — Xitoyga qarshi maydonga tushib, 0:9 hisobida imkoniyatni boy bergandi.
O‘zbekistonlik qizlar Osiyo chempionatidagi navbatdagi uchrashuvini 22-avgust kuni Avstraliya U-19 ayollar terma jamoasiga qarshi o‘tkazadi.
Izoh (0)