Madridning “Real” klubi portugaliyalik futbolchisi Krishtianu Ronaldu jamoaning yangi bosh murabbiyi Rafael Benites bilan til topisha olmayapti, deb yozadi “Championat.com”.
Jumladan, Cuatro telekanali tomonidan e’lon qilingan videolavhada mashg‘ulot vaqtida Ronaldu o‘z golini hisobga olmagani uchun murabbiyga baqirgani ko‘rinib turadi. U portugal tilida aytgan “Vai Caralho!” so‘zlari haqorat ma’nosida bo‘lib, kimningdir o‘zini tutishidan norozi bo‘linganda va uning ishi xato deb hisoblanganda aytiladi.
Eslatib o‘tamiz, avvalroq Benites Ronalduni dunyoning eng yaxshi futbolchisi deb hisoblashi yoki hisoblamasligi haqidagi savolga u dunyodagi eng yaxshi futbolchilardan biri ekanligini aytib javob bergan edi. Shuningdek, ushbu hafta boshida Ronaldu mashg‘ulotlarni muddatidan oldin tark etgan.
Izoh (0)