Tez kunda Rossiya terma jamoasi bosh murabbiyi Fabio Kapelloning iste’fosi haqida rasman e’lon qilinadi. Faqat buning uchun birinchi galda italiyalik mutaxassisga to‘lanadigan tovon pulini kelishib olish kerak bo‘ladi, deb xabar beradi “Olamsport.com”.
Ayni paytda Kapelloning o‘rnini egallash uchun asosiy nomzod sifatida Moskvaning SSKA klubi bosh murabbiyi Leonid Slutskiy ko‘rilmoqda. Rossiya sport vaziri Vitaliy Mutko Fabioning iste’foga chiqishi haqidagi xabarni tasdiqladi.
Eslatib o‘tamiz, Rossiya terma jamoasi o‘z maydonida Avstriyaga 0:1 hisobida yutqazib, Yevro—2016 final bosqichiga chiqish imkoniyatini keskin pasaytirib yubordi. Kapello ushbu lavozimda 2012-yilning iyulidan beri ishlab kelayotgandi.
Izoh (0)