O‘zbekistonlik yigit Gollivud filmida “Tashmore”ni topganini ta’kidladi

Asli o‘zbekistonlik Jamshid Begmatov Gollivudda Toshkent dengizi (“Tashmore”)ni aniqladi, deya xabar bermoqda “12news.uz”.

U Facebook’dagi sahifasida Jonni Depp ishtirokidagi “Sirli darcha” filmini ko‘rayotib, “Tashmore” (Toshkent dengizi) nomiga ko‘zi tushgani haqida yozgan.

Bundan tashqari, u AQShning Nyu-Jersi shtatida Cherri Xill shahridagi mitti tumanni Toshkentning Sergeli tumaniga qiyoslagan. “Bu yerda AQShda birinchi marta ko‘p qavatli va ko‘p xonadonli uylarni ko‘rdim. O‘zimni Sergelidagidek his qildim”, — deb yozdi Begmatov.

Uning so‘zlariga ko‘ra, bunday uylar u yerda biznesning o‘ziga xos shaklidir: ularga odamlar yoki kompaniyalar egalik qilib, xonadonlarni ijaraga beradi.