IELTS tizimi bo‘yicha guvohnoma olishga ulgurmagan abituriyentlar uchun Inha universiteti rahbariyati tomonidan ajoyib imkoniyat yaratildi, deb xabar qiladi Toshkentdagi Inha universiteti sayti.
Endilikda mazkur abituriyentlar onlayn tarzda Toshkentdagi Inha universiteti saytida ro‘yxatdan o‘tishlari mumkin. Ro‘yxatdan o‘tganlar ingliz tilidan imtihon topshirish imkoniyatiga ega bo‘ladi. Hujjatlarni sayt orqali onlayn ro‘yxatdan o‘tkazish 2015-yilning 26-iyuniga qadar davom etadi.
Eslatib o‘tamiz, Universitetga kirish imtihonlarida eng yuqori natija ko‘rsatgan 10 nafar talaba universitet muassislari tomonidan ajratilgan grantlar asosida bepul o‘qish huquqini qo‘lga kiritadi. Shuningdek, o‘quv semestri yakunlari bo‘yicha eng yuqori natija ko‘rsatgan yana 10 nafar talaba keyingi semestrda bepul o‘qish huquqini qo‘lga kiritadi.
2015/2016-o‘quv yilida jami 250 nafar iqtidorli o‘g‘il-qizlarni o‘qishga qabul qilish rejalashtirilgan.
Izoh (0)