Nepalda 12-may kuni sodir bo‘lgan 7,3 magnitudali zilzila qurbonlari soni 96 nafarga yetdi. Bu haqda Nepal politsiyasi rasmiy vakili Kamal Singx Ban ma’lum qildi, deb xabar bermoqda “TASS”.
Uning so‘zlariga ko‘ra, ushbu zilzila oqibatida 2563 kishi jarohat olgan. Yangi kuchli zilzila 25-aprel kuni bo‘lib o‘tgan 7,9 magnitudali zilziladan ikki haftadan ko‘proq vaqt o‘tgach sodir bo‘lgan edi.
Banning qayd etishicha, ikkala zilzila oqibatida jami 8154 kishi halok bo‘lib, 17864 kishi jarohat olgan. Rasmiy ma’lumotlarga ko‘ra, yer silkinishlari oqibatida kamida 500 ming uy vayron bo‘lgan yoki qisman zarar ko‘rgan. BMT ma’lumoti bo‘yicha, yer qimirlashi 2,5 milliondan ortiq odamni o‘z uylarini tashlab chiqishga majbur qilgan.
Izoh (0)