AQSh davlat kotibi Jon Kerri Ukraina prezidenti Pyotr Poroshenko bilan telefon orqali suhbat qurdi. Kerri suhbat davomida Rossiya yetakchisi Vladimir Putin bilan uchrashuvidan Poroshenkoni boxabar qildi. Bu haqda Ukraina prezidenti matbuot xizmatiga tayanib, “Vedomosti.ru” xabar bermoqda.
“Suhbatdoshlar Donbassdagi keyingi harakatlarni aniqlashtirib oldi, bundan tashqari Minsk kelishuviga to‘liq rioya qilishi uchun tomonlarning amalga oshirishi kerak bo‘lgan qadamlarini muhokama qildi”, — deyiladi Poroshenko saytidagi xabarda.
Putin va Kerri o‘rtasidagi uchrashuv 12-may kuni Sochida bo‘lib o‘tdi va 4 soat davom etdi.
Izoh (0)