AQShning Ogayo shtatidagi Klivlend shahrida uch yoshli bola bir yoshli go‘dakni otib qo‘ydi, deb xabar bermoqda “TASS”. Go‘dak tezda shifoxonaga yetkazilgan, biroq uning hayotini saqlab qolishning imkoni bo‘lmagan.
Bolalar aka-uka bo‘lgani yoki bo‘lmaganiga aniqlik kiritilmagan. Voqea chog‘ida uyda yana bir necha bola va kamida bir nafar katta kishi bo‘lgan. Qurolni qarovsiz qoldirgan odam javobgarlikka tortiladi.
Qayd etilishicha, bunday fojealar AQShda vaqti-vaqti bilan bo‘lib turadi. Jumladan, mart oyida Texas shtatidagi Xyuston shahrida to‘rt yoshli bola enagasining uyidan topgan to‘pponchadan o‘ziga o‘q uzib, halok bo‘lgan edi.
Izoh (0)