Royal Dutch Shell Britaniyaning BG Group neft-gaz kompaniyasini 70 milliard dollarga sotib olishni rejalashtirmoqda. Ushbu kelishuv neft-gaz bozorida so‘nggi o‘n yilda kuzatilgan eng katta birlashuvga aylanadi, deya xabar bermoqda Meduza.
Bundan tashqari, BG Group aksiyadorlari umumiy hisobda birlashgan kompaniyaning 19 foiz aksiyalarini qo‘lga kiritishadi.
Shell’ning ma’lum qilishicha, BG Group’ni sotib olish bilan birlashgan kompaniyaning shu vaqtgacha topilgan neft va gaz zaxiralari chorak barobar ko‘payadi. Dastlabki ma’lumotlarga ko‘ra, ikki kompaniyaning birlashuvidan chiqqan sinergetik samara 2018-yilda 2,5 milliard dollarni tashkil etadi.
BG Group – gaz ishlab chiqarish bo‘yicha Buyuk Britaniyaning eng yirik uchinchi kompaniyasidir. 7-aprel ma’lumotlariga ko‘ra, BG Group’ning bozor narxi (kapitalizatsiyasi) 45 milliard dollarga teng edi. Shell bilan erishilgan kelishuv haqidagi xabarlardan so‘ng London fond birjasida BG Group aksiyalari narxi 37 foizga oshdi.
Shell – jahondagi eng yirik kompaniyalardan biri. Uning bozor kapitalizatsiyasi 202 milliard dollarga teng. Ushbu ko‘rsatkich bo‘yicha neft-gaz kompaniyalari orasida faqat Exxon (360 milliard dollar) kompaniyasigina Shell’ni ortda qoldiradi.
Izoh (0)