Avstraliyada G20 sammiti tashkilotchilari tasodifan Rossiya prezidenti Vladimir Putin va dunyoning boshqa yetakchilari shaxsiy ma’lumotlarini oshkor qildi, deb yozadi “Gazeta.ru” The Guardian’ga tayanib.
AQSh prezidenti Barak Obama, Germaniya kansleri Angela Merkel, Buyuk Britaniya bosh vazir Devid Kemeron, Xitoy Xalq Respublikasi raisi Si Szinpin va Hindiston bosh vaziri Narendra Modining shaxsiy ma’lumotlari Avstraliya immigratsiya va chegaralar himoyasi departamenti tomonidan tasodifan fosh qilindi.
Agentlik xodimi e’tiborsizlik orqasidan noyabrda Brisbendagi G20 sammitida ishtirok etgan dunyo yetakchilarining pasport raqamlari, viza tafsilotlari haqidagi ma’lumotlarni futbol bo‘yicha Osiyo kubogi tashkilotchilariga jo‘natib yuborgan.
Departamentning viza xizmatlari bo‘yicha bo‘linmasi direktori aytishicha, ma’lumotlarning ochiq manbalarga tushib qolgan bo‘lishi ehtimoli kam. Xatolik tufayli yuborilgan xatni qabul qilib oluvchi elektron maktubni o‘chirib, o‘chirilgan fayllar saqlanadigan papkani ham tozalagan.
Gazeta yozishicha, siyosatchilarning bu voqea haqida xabardor qilingan-qilinmagani noma’lum.
Izoh (0)