Dunyoning odam yashamaydigan shaharlari bilan tanishing (foto)

Ba’zan qurilib bo‘lgan shaharlar ko‘plab vaziyatlar ta’siri ostida aholisiz qolib ketadi. Quyida bunday shaharlarning to‘rttasi bilan tanishishingiz mumkin.

Kanbashi

Xitoy shimolidagi Ordos shahar okrugida 300 ming aholiga mo‘ljallangan Kanbashi shahri bor. Qurilish avj olgan davrda barpo etilgan megapolis ko‘chmas mulk uchun sarmoya bo‘lib qoldi xolos.

Sesenyi shahri tashqarisi

Ispaniyaning Madrid va Toledo shaharlari o‘rtasida joylashgan Sesenyi shahri tashqarisida ko‘chmas mulkka bo‘lgan kuchli talab chog‘ida milliarder Fransisko 13500 xonadondan iborat turar joy majmuasini qurdi. Biroq 2008-yilda hukumat ichimlik suvi va binolarga aholini joylashtirish uchun ruxsatnoma yo‘qligi tufayli majmua xonadonlarini sotish jarayonini to‘xtatdi.

Kijondon

Shimoliy Koreyaning Qurolsizlantirilgan hudud yaqinidagi Kijondon shahri ko‘pincha “propaganda qishlog‘i” deb ataladi. U ichida xonalari bo‘lmagan, biroq elektr toki o‘tgan qalbaki “uy”lardan iborat shaharchadir.

Kilamba

Xitoy xalqaro investitsiyaviy korporatsiyasi Angola poytaxti Luandadan 30 km masofada 500 ming aholi yashashi uchun mo‘ljallangan, 750 ta sakkiz qavatli uylardan iborat shahar — Kilambani qurdi.  Biroq Angola fuqarolarining ko‘pchiligi hattoki ipoteka yordamida ham u yerdan uy sotib ololmaydi, shu tufayli, hozirgacha bor-yo‘g‘i  220 ta xonadon sotilgan.