“Ўзбекистонликлар Россиядан миллиардлаб доллар жўнатишади — тўғри. Лекин бу — россияликларнинг садақаси ёки хайрияси эмас, бу ватандошларимизнинг машаққатли меҳнати эвазига олинган ҳалол иш ҳақи. Иш ҳақи одатда ходим яратган қийматдан паст бўлади. Акс ҳолда, у ишга олинмаган бўларди. Демак, агар ўзбекистонликлар Россияда бир миллиард доллар иш ҳақи олган бўлса, улар бундан ҳам катта иқтисодий қиймат яратишган. Қолаверса, барча пул уйга юборилмайди. Россиянинг ўзида истеъмол: товарлар ва хизматлар кўринишида сарфланади, буни устига, жамғарма ва инвестициялар ҳисобига Россия иқтисодиётида қолади. Буларнинг барчаси иқтисодиётда ижобий мултипликатив таъсир беради. Шу боис ватандошларимизнинг Россия иқтисодиётига ва аҳоли фаровонлигига қўшган ҳиссаси жуда юқори. Менимча, кўпчилик тасаввуридан анча катта мультипликатив таъсирга эга”, дея фикр билдирган иқтисодчи.

“Кўп ўзбеклар муҳожир бўлгани учун Россияга қарам эмасмиз, аксинча, Россия иқтисодиёти бизнинг меҳнат кучимизга сезиларли даражада таянишга мажбур. Бу икки тарафлама фойдали алмашув. Лекин уларда биздан кўра йўқотадиган зарари каттароқ. Алтернатива уларда камроқ. Биз каби тил биладиган, мослашувчан, контекстни тушунадиган ва маданий жиҳатдан яқин меҳнат қўлларини, улар ўрта муддатда бошқа манбадан топа олишмайди ва тезда алмаштира олишмайди. Шунинг учун муҳожирларга тўсиқ қўйишдан кўпроқ зарар кўрадиган томон айнан Россия”, деб ёзган таҳлилчи.

«Минерал ўғитларни қўллаш натижасида жуда катта майдонларимиз тезликда шўрланиб кетмоқда. Бугунги кунда қарийб 100 минг гектар атрофида ўта шўрланган ерлар бор. Шунча ер ташландиқ бўлиб қоладими? 

Ҳозир қишлоқ хўжалиги учун зарур сув ҳажми 40 млрд метр кубни ташкил этади. Лекин соҳага 32 миллиард метр куб сув берилмоқда. Камомад жуда ҳам йирик. Лекин катта ҳажмдаги сувни Хоразм ва Қорақалпоғистондаги шўр тупроқни уч марталаб ювишга сарфлаяпмиз. Пахтадаги 3,5 миллиард метр куб сув асосан тупроқ ювишга кетади», деди вазир.

«2030 йилгача тупроқ унумдорлигига алоҳида эътибор берамиз. Ҳозир бир гектар ердан олинадиган даромад 2-3 минг доллар. Буни камида 5 минг долларга чиқариш мажбуриятимиз турибди», деди вазирлик раҳбари.

«Қўшма Штатларнинг ҳуқуқни муҳофаза қилиш идоралари томонидан фуқароларимиз манфаатлари ва компанияларимиз иқтисодий фаолиятига ноҳақ зарар етказилмаслиги керак», дейилади баёнотда.

Hyundai Мотор Group ва LG Energy Solution’нинг Жоржиядаги умумий инвестициялари 12,6 млрд долларга баҳоланмоқда. Бу штат тарихидаги энг катта саноат лойиҳаси саналади.

Таҳлилчиларнинг фикрича, ICE рейди Вашингтон ва Сеул ўртасидаги савдо музокараларини янада мураккаблаштириши мумкин. Қолаверса, ўтган ой Жанубий Корея Қўшма Штатларга 150 млрд долларлик сармоя киритишни ваъда қилган эди.