Президент Шавкат Мирзиёевга 3 февраль куни Тошкент—Андижон муқобил йўли лойиҳаси бўйича ҳисобот берилган эди. Транспорт вазири Илҳом Маҳкамов ушбу лойиҳалар хусусида интервью берди.
Вазирнинг айтишича, Тошкент—Андижон йўли қурилиши лойиҳаси 10,5 млн нафардан ортиқ аҳоли яшайдиган водий аҳлини пойтахт ва воҳа билан “артерия” бўлади.
“Январь ойида ушбу лойиҳа бўйича тендер эълон қилинди. Бунда икки босқичдан иборат бўлган тендер амалга оширилади. Жорий йилда қурилиш ишларини бошлаймиз. 30 дан ортиқ дунёда таниқли компаниялар қизиқиш билдирди. Ўйлаймизки, тендер орқали салоҳиятли компаниялар танланади”, дейди Маҳкамов.
Транспорт вазири Тошкент—Самарқанд 300 км дан иборат, олти тасмали йўл қурилиши лойиҳаси бўйича ҳам лойиҳавий ҳужжатлар ишлари якунланганини айтди.
“Ҳозирги кунда тендер ишларини амалга оширяпмиз. Бу лойиҳа бўйича ҳам ишлар жорий йилда бошланиши кўзда тутилган. Президентимиз томонидан барча тендер жараёнларини қоидаларга тўлақонли риоя қилган ҳолда, лекин ортиқча вақт сарфламасдан, жорий йилда иккала йўл қурилиш ишларини бошлаш топширилди”, дея қўшимча қилган Илҳом Маҳкамов.
Тошкент—Андижон пулли йўли
Ўзбекистондаги илк пулли йўлларнинг қурилиши ҳақида 2018 йилда хабар берилганди. Ўшанда бу каби йўлларнинг биринчисини қуриш билан Германия компанияси шуғулланиши мумкинлиги айтилганди. 2019 йилда Ўзбекистондаги илк пулли трассани қуриш учун жой танланди.
2022 йил октябрда Тошкент—Андижон ва Тошкент—Самарқанд пулли автомобиль йўллари 2026 йилгача қуриб битказилиши айтилди. Август ойида транспорт вазири ўринбосари Илҳом Абдугафаров Жаҳон банки ҳамда Европа тикланиш ва тараққиёт банки лойиҳа координаторлари пулли йўлларни қуриш бўйича қонун лойиҳасини ишлаб чиқиш масаласини муҳокама қилганди.
Тошкент—Андижон пулли йўли Тошкент ва бошқа ҳудудларни Фарғона водийси билан боғлашга ёрдам беради. Лойиҳанинг умумий узунлиги 314 километр бўлиб, унинг қиймати 4,65 миллиард долларни ташкил қилади.
Изоҳ (1)
Oxirgi bekatga yetib kelibdi.