Миллий Олимпия қўмитасида Ўзбекистон спорт курашлари ассосиациясининг навбатдан ташқари ҳисобот-сайлов конференцияси бўлиб ўтди. Бу ҳақда МОҚ матбуот хизмати хабар берди.
Тадбир кун тартибидан Ассосиацияга янги раҳбар сайлаш ўрин олди. Ассосиация Ижроия қўмитаси ташкилот раислигига Бош прокурор, мамлакат кураш федерацияси раҳбари Ниғматилла Йўлдошев номзодини илгари сурди.
Йиғилиш иштирокчилари бир овоздан Ниғматилла Йўлдошев номзодини маъқуллади ва у мамлакат спорт курашлари ассосиацияси раиси этиб сайланди.
Шундан сўнг, ассосиация Бош котиби Шуҳрат Мамадалиев Лос-Анжелес-2028 ёзги Олимпия ўйинларига тайёргарлик бўйича режа билан таништирди. Унда ҳар бир вазн тоифасида асосий ва захира таркиб шакллантирилгани, ҳозирда мавжуд муаммо ва камчиликлар ҳақида тўхталиб ўтди.
Хусусан, аёллар курашида янада кўпроқ йўлланмалар олиш, юнон-рум курашчиларимизнинг ҳам Олимпиадалардаги натижадорлигини ошириш, эркин кураш йўналишида ички рақобатни кучайтириш шулар жумласидан.
Маълумот учун, Салим Абдувалиев узоқ йиллар Ўзбекистон спорт курашлари ассоциацияси президенти лавозимида ишлаб келди. Шунингдек, у Миллий олимпия қўмитаси вице-президенти сифатида ҳам фаолият олиб борган.
Изоҳ (0)