Халқ депутатлари Тошкент вилояти кенгашининг 6 январдаги қарорига мувофиқ, 2025 йилнинг 1 февралидан иссиқлик корхоналарининг иссиқ сув ва иситиш хизматлари тарифлари оширилади.
Вилоят “Иссиқлик манбаи” ишлаб чиқариш бошқармаси, “Ангрен иссиқлик энергияси” ДУК, Чирчиқ “Иссиқлик энергияси” ҳамда “Олмалиқ иссиқлик манбаи” корхоналари томонидан кўрсатиладиган иссиқлик таъминоти хизматлари тарифлари ўзгартирилади.
Хусусан аҳоли учун 1 Гкал иссиқлик нархини (ҚҚС билан):
- Тошкент вилояти “Иссиқлик манбаи” бошқармаси 81 312 сўмдан 93 464 сўмга;
- “Ангрен иссиқлик энергияси” ДУК 81 312 сўмдан 93 508 сўмга
- Чирчиқ “Иссиқлик энергияси” корхонаси 88 088 сўмдан 101 301 сўмга;
- “Олмалиқ иссиқлик манбаи” 92 252 сўмдан 100 800 сўмга оширади.
Бюджет ташкиолтлари ва улгуржи истеъмолчилар учун ҳам нархлар оширилади. Қуйида янги тарифлар ва барча корхоналар таклиф этган иссиқ сув ва иситиш таъминоти нархларида ҳисоблагич мавжудлиги ёки мавжуд эмаслигида қанча ҳисобланиши келтирилган.
Ўзбекистон иссиқлик ва иссиқ сув тарифлари 2025 йил давомида 2 маротаба ошириш кўзда тутилган. Бу ҳақда қурилиш ва уй-жой коммунал хўжалиги вазирлиги бошқарма бошлиғи Илҳом Тўраев маълум қилганди.
“Чунки тўловларни давлат томонидан қоплаб беришда жуда катта субсидия бор. Субсидиядан қутилиш ва тизимни янгилаш учун биз нархларни қайта кўриб чиқишимиз керак. Бунда нафақат нархларни, тўлов тизимни ҳам қайта кўриш лозим”, деган эди у.
Тариф нархлари 2024 йилда вилоятларда бир маротаба Тошкентда эса икки маротаба оширилган.
Изоҳ (0)