Тошкент вилояти Олмалиқ шаҳрида қиз ўзини 16 қаватли “дом” томидан ташлаб юборгани ҳақида хабар берилганди. Вилоят ҳокимлиги бу бўйича маълумот берди.
Маълум бўлишича, 2024 йил 4 июнь куни соат 16:45 да шаҳар ИИБга “Увайсий” МФЙдаги кўп қаватли 45-уйнинг том қисмидан ўз жонига қасд қилмоқчи бўлаётган қизни қутқариш лозимлиги ҳақида хабар келиб тушган.
Шаҳар ИИБ ва ФВБ вакиллари ҳамда МФЙ раиси зудлик билан воқеа жойига етиб келган ва қиз билан суҳбатлашилган. Аммо олиб борилган музокараларга қарамасдан, қиз ўз жонига қасд қилган. Маҳалла раиси ва шу кўп қаватли уй аҳолисининг айтишича, бу қиз ушбу кўп қаватли уйда яшамаган.
Ҳозирда шаҳар ИИБ томонидан марҳум қизнинг шахсига аниқлик киритиш ишлари олиб борилмоқда.
Жонига қасд қилган қизлар
Аввалроқ Тошкент шаҳар Янгиҳаёт туманида 17 ёшли қиз ўз жонига қасд қилгани ҳақида хабар қилинганди. 2006 йилда туғилган вояга етмаган қиз (Туркия фуқароси) номаълум сабабларга кўра, 6-қаватдан ўзини ташлаган. Олган тан жароҳатлари оқибатида у шифохонада вафот этган.
Шунингдек, Фарғона вилоятининг Бувайда туманида 16 ёшли қиз ўзини осиб қўйганди. Марҳуманинг яқин қариндошлари сўнгги вақтларда унинг руҳияти бузилиб қолгани, ўз жонига қасд қилишида ҳеч кимнинг айби йўқлигини изоҳлаб, тушунтириш берган.
Бундан ташқари, Жиззах вилояти Шароф Рашидов туманида 18 ёшли қиз юқори қаватдан ўзини ташлаб, жонига қасд қилган. Воқеа гувоҳи бўлган аёлнинг сўзларига кўра, марҳума ўзини ташлашидан олдин ушбу уйлар атрофига бир неча маротаба келиб кетган.
Изоҳ (0)